- Danie Botha -

Lofkampe

GEREELDE VRAE OOR DANIE BOTHA SE "LOFKAMPE"

Wat is 'n "Lofkamp"?

In wese bied die lofkampe aan elkeen die geleentheid om saam 'n troon van
lofsange te kom bou! Die afgelope ses jaar het dit vir die kampgangers amper
'n instelling geword om 'n naweek of twee per jaar af te staan om hul lofoffers voor die Vader se troon te gaan lê. Lofkamptyd is tyd vir saamwees, saamsing en saamkuier as vriende en familie in Christus!

Die naweek word opgedeel in ses sessies van samesang en Woordbediening. Tema's handel onder andere oor lof, danksegging, aanbidding, Bybelbeginsels, gebed en die daaglikse pad na heiligmaking. Die hoogtepunt van die naweek is Saterdagaand se lof-en aanbiddingsfees wanneer ons ook saam verbondsmaal hou! Die naweek word afgesluit met persoonlike getuienisse.

Wie mag 'n lofkamp bywoon?

Enigeen is welkom om die kamp te kom bywoon. Enkelpersone, getroudes, families, groepe, oud en jonk! Kinders ook baie welkom!

Wie bied die lofkamp aan?

Danie bied 90% van die kamp aan. Lesings asook die sangbediening. 'n Gasspreker hanteer gewoonlik een van die lesings.

Word daar voorsiening gemaak vir kinders?

'n Spesiale aanbieding vir kindertjies tussen drie en tien jaar word deur Willie Pretorius gedoen en is gewoonlik vir hulle 'n groot hoogtepunt. Saterdagaand hou hulle ook vir ons 'n tien minute konsert! Ouers kan gerus wees dat hul kindertjies in goeie hande is!

Ek wil saamgaan!
Wanneer is die volgende kamp?
En wat moet ek doen?

Kampdatums vir 2011 is:

- PRETORIA Lofkampe

8-10 Julie 2011 en 2-4 Desember 2011

Kampe word aangebied by die Woord-in-Aksie Kampterrein net buite Pretoria.

- Ander Lofkampe

18 – 19 Februarie: Moorreesburg - Kontak Launa by 022 433 2662
11 – 12 Maart: Boshoff - Kontak Rose by 082 418 9955.

Om 'n kamp by te woon:

Faks die voltooide registrasievorm na 018-771-4388

- PRETORIA Lofkamp 2-4 Desember 2011

Voltooi die vorm op jou rekenaar en druk uit.

OF

Druk en voltooi die vorm met pen.

Kontak besonderhede:

Sel:	082 371 3218 - Kobie
Faks:	018-771 4388
Epos:	info@daniebotha.co.za
Pos:	Danie Botha Lofkamp, Posbus 40190, Moreletapark, 0044